عائله سعوديه تعيش تحت خط الفقر‎...

رسالة جاءتني ع الايميل ...

انا عن نفسي اخذت رقم الام وان شاء الله راح اقوم بما يقدرني عليه ربي واتمني من الجميع عمل هذا العمل يمكن على ايديكم يصير الخير واتمني ان تتاكدو قبل ما تعملو اي شي لاني ناوي اتأكد من صحة ما كتب قبل ان اقوم بأي عمل وعسى ان تكون في ميزان حسناتكم

منقـــــــــــــــــــــــــول كما وردني

ارجوا إرسالها لمن تعرفونه في الرياض

صور ، عائلة سعودية تعيش مأساة

أنا وقفت على حالة أسرة سعودية تدمي القلب و يندى لها جبين إنسانية
المجتمع ... أنا الحقيقة
مابي أصف مشاعري تجاه القضية ودي أنقل لكم حال هالأسرة والله على ما أقول شهيد :
أسرة تتكون من ست أشخاص :
أم عمرها تقريباً 58 سنة ، الابن معوق ومتخلف عقلياً ، ابنه مريضة بالصرع ولها ثلاثة أطفال
وساكنة عندهم ، الأب متوفي
وحالتهم المادية متدنية جداً جداً

الأم تشتغل مستخدمة بمجمع الكليات وتستلم 1700 ريال ، 1000 ريال قسط دين
عليهم و500 ريال ايجار الليموزين شهر كامل و 200 ريال مصروف البيت.

الأسرة عليها ديون بسبب زواج ابنهم السنة الماضية والابن هذا توفى بنفس السنة
يرحمه ، ويسكنون في بيت أشبه مايكون بخرابة وايجار البيت 8000 بالسنة بس
راعي البيت الله يجزاه خير ما أخذ منهن الإيجار من عشر سنين ...





يا إخوان مايحتاج أذكركم بأجر من ساعدهم ، ولا أبغى أكتب لكم آيات وأحاديث
الصدقة فأنتم كلكم تعرفونها إن شاء الله ..

والآن العائلة محتاجة أي شي فرشة ، أكل ، أثاث ، بيت ، تسديد دين ، مصروف
شهري ، زكاة فطر ... يعني العايلة تحت خط الفقر بدركات ومحتاجينكم بأي شي الله
لا يحوجكم لأحد .

والله الذي لا إله غيره إنهم مايلقون شي ياكلونه !!

يا إخوان تكفون لاتنسونهم بأي شي الله يعتق رقابكم من النار، ولا
بينكم وبينهم وسيط رح أنت لهم بنفسك ماتضرك ساعة من عمرك تمرهم وتشوف
الوضع بنفسك ، أو ترسل لهم أحد أٌقربائك أو أي طريقة .

أبحط لكم جوال الأم وأنتم الله يجزاكم خير اتصلوا عليها وروحوا لها بأنفسكم وتأكدوا
من كل شي بأنفسكم .

تخيلوا منظر عجوز تصارع الحياة عشان عيالها الي هم مرضى ، والله إن الرجال
الشباب مايقدرون يتحملون حالتها كيف بعجوز هي أًصلاً تحتاج من يرعاها .

تكفون يا إخوان لا تخلونها الله يجعل فيها عتق رقابكم ورقاب والديكم من الناس .

جوال الأم : ( أم سعود )
0558772615

* العائلة تسكن بحي المصانع في جنوب الرياض قريب من شارع الفريان جنوباً ،
وحتى لو إنك خارج الرياض اتصل عليها واجبر خاطرها بأي شي وتذكر أن من فرج
كربةً من كرب الدنيا فرج الله عنه كربةً من كرب الآخرة ..

* أرجو من الجميع نشر الموضوع بالإيميلات والمدونات والمنتديات الله يكتب لكم الأجر .






اذا ودك تسوي شي للعائلة ولا تقدر .. ادعيلهم وانشرها

منقووول ,,,,

مشكووور اخوي rid lion ع المرور العطــر ....

مشكوررر اخوي rid rose ع مروورك العطــر ...